Urra e' la contrata
Urra cu to lassari quanti si bedda
tu si firriata di boscu e vanedda
montagna longa e mont'anello
monte peloso e la purtedda
Di la Santa Cruci cumincia la via
e s'innacchiana versu lu furi
a lu furi c'e' la Madunnuzza
unni t'arriposi e dici na graziunedda
All'accitedda e la prossima firmata
cu l'acqua frisca e agghiacciata
a lu chianu di li margi la beveratura
unni inchi lu bummuliddu e
la quartara
Verso la urra si partutu,
ti veni tutto al'acchianata
Urra e chiamata la cuntrata
vicino la montagna e c'e' la strata
Lu paisi tu viri di luntanu
pari ca lu tuccassi cu li manu
ti fa l'aspettu di un'aciddazzu
lu paisi e da sutta na lu chianu
Urra di tanti genti navota traficata
l'aria di montagna pura e fina
la genti va avvilliggiatura
raccumannata puru di li dottura
Navota un'orto era la cuntrata
la terra era tutta travaggniata
frascini, vigni, e ficurinnia
la terra scoperta era siminata
Li casi vicinu la vanedda
genti chi passava salutava
dicennu bongiorno come stai
bene e grazie e tu come stai
All'albero la frutta si maturava
li pira, li pruna e la marena
cu vinia cinni davi un panareddu
ficu e racina a la casa ti purtavi
Puru pecuri e vacchi si muncia
tumazzi e ricotta a la mannara facia
li legumi pi lu mernu si sarvava
li sulara di ligna, fenu e paghia
di la Urra a lu paisi li purtava
Alfonso Chirco
July 3 2010
---
---Home